കുട്ടൻ ദാമോദരൻ

പാണാവള്ളി വെളിയിൽ വീട്ടിൽ കുട്ടന്റെ മകനായി 1922-ൽ ജനനം.പ്രാഥമിക വിദ്യാഭ്യാസംനേടിയിരുന്നു. കയർ ഫാക്ടറി തൊഴിലാളി ആയിരുന്നു. എരമല്ലൂർ ക്യാമ്പ് കേന്ദ്രീകരിച്ചു പ്രവർത്തിച്ചു. പാണാവള്ളി യൂണിയൻ ഓഫീസിലേക്കു മാർച്ചു ചെയ്ത പട്ടാളത്തെ പ്രതിരോധിച്ചു. ക്യാമ്പിൽ നിന്ന്  ഒക്ടോബർ 22-ന് അറസ്റ്റ് ചെയ്തു. മർദ്ദിച്ചവശനാക്കി. പിഇ-5/122 നമ്പർ കേസിൽ ശിക്ഷിക്കപ്പെട്ട് 18 മാസം സെൻട്രൽ ജയിലിൽ ശിക്ഷയനുഭവിച്ചു. 1964-നുശേഷം സിപിഐ(എം)ൽ പ്രവർത്തിച്ചു. 1967-ൽ അന്തരിച്ചു. ഭാര്യ: ജാനകി. മക്കൾ: രാധ, സുശീല, വിജയൻ, ഫൽഗുണൻ, മഹീധരൻ, ശശിധരൻ.