കെ.എ. കരുണാകരൻ

കുത്തിയതോട് കാട്ടിപ്പറമ്പിൽ അച്യുതന്റെയും ചീരയുടെയും മകനായി ജനനം. തെങ്ങുകയറ്റമായിരുന്നു തൊഴിൽ. കുത്തിയതോട് പാലം പൊളിച്ച കേസിൽ പ്രതിയായതിനെ തുടർന്ന് ഒരു വർഷത്തോളം പനങ്ങാട് പ്രദേശത്ത് ഒളിവിൽ താമസിച്ചു. പിഇ-10/122 നമ്പർ കേസിൽ പ്രതിയായിരുന്നു. 1964-നുശേഷം സിപിഐ(എം)ൽ പ്രവർത്തിച്ചു. ആദ്യകാല സിപിഐ(എം) ബ്രാഞ്ച് സെക്രട്ടറിയും ലോക്കൽ കമ്മിറ്റി അംഗമായും പ്രവർത്തിച്ചിരുന്നു. സിഐടിയു കോടംതുരുത്ത് വില്ലേജ് കമ്മിറ്റി പ്രസിഡന്റായിരുന്നു. 2009-ൽ അന്തരിച്ചു. ഭാര്യ: കാർത്യായനി. മക്കൾ: രണജൻ, കേരളീയൻ, ജയശ്രീ, വസന്തകുമാരി, അനിൽകുമാർ.