പി.കെ.കേശവൻ

മണ്ണഞ്ചേരി പട്ടം വെളിയിൽ കുമാരന്റേയും നാരായണിയുടേയും മകനായി 1914-ൽ ജനിച്ചു. ഏഴാം ക്ലാസ്സുവരെ പഠിച്ചു. പുന്നപ്ര-വയലാർ സമരത്തിൽ കണ്ണർകാട് ക്യാമ്പിൽ പ്രവർത്തിച്ചു. പിഇ-7/1122 നമ്പർ കേസിൽ പ്രതിയായി. പൊലീസ് അന്വേഷിച്ചു വരുമ്പോൾ കുളവാഴക്കിടയിൽ ഒളിക്കുമായിരുന്നു. പകൽ വീട്ടിൽ കഴിഞ്ഞിരുന്നില്ല. അറസ്റ്റ് ചെയ്യപ്പെട്ടു. 9 മാസക്കാലം ജയിൽവാസം അനുഭവിച്ചു. എസ്.ഐ സത്യൻ നാടാരുടെ ക്രൂരമർദ്ദനത്തിന് ഇരയായിട്ടുണ്ട്. ഇത് രോഗിയാക്കിതീർത്തു. കോട്ടയത്ത് ആശുപത്രിയിൽ ചികിത്സയിലിരിക്കെ 1986-ൽ അന്തരിച്ചു. ഭാര്യ: ലക്ഷ്മി. മക്കൾ: കരുണാകരൻ, ശിവദാസൻ, ഗോപാലകൃഷ്ണൻ, അമ്മിണി, അംബിക.