കേളൻ പുരുഷോത്തമൻ

പട്ടണക്കാട് ആഞ്ഞിലിക്കാട് വീട്ടിൽ 1925-ൽ ജനനം. പ്രാഥമിക വിദ്യാഭ്യാസംനേടിയിരുന്നു. കയർത്തൊഴിലാളി ആയിരുന്നു. മേനാശേരി ക്യാമ്പിൽ പ്രവർത്തിച്ചു. ക്യാമ്പിലേക്കു നീങ്ങവേ കേളൻ പുരുഷോത്തമനേയും കൂടെയുണ്ടായിരുന്ന സമര വോളണ്ടിയറെയും പട്ടാളം അറസ്റ്റ് ചെയ്തു ക്രൂരമായി മർദ്ദിച്ചു. പിഇ-10/122 നമ്പർ കേസിൽ പ്രതിചേർത്തു. ആലപ്പുഴ, തിരുവനന്തപുരം ജയിലുകളിലായി 18 മാസത്തോളം ജയിൽവാസം അനുഭവിച്ചു. 1964-നുശേഷം സിപിഐയിൽ പ്രവർത്തിച്ചു. താമ്രപത്രംലഭിച്ചു. കൊട്ടാരക്കര ചിതറയിൽ 2 ഏക്കർ ഭൂമി പതിച്ചുകിട്ടി. ഭാര്യ: പങ്കജാക്ഷി. മക്കൾ: മോഹനൻ, ശാന്ത, സുശീല, രമണൻ,കൗസല്യ, കാഞ്ചജന, സാവിത്രി, ബേബി.