വി. രാഘവൻ

ചേർത്തല താലൂക്ക് പട്ടണക്കാട്താന്നിക്കൽ വീട്ടിൽവേലുവിന്റെ മകനായി ജനനം. കർഷകത്തൊഴിലാളിയായിരുന്നു. ഒളതല ക്യാമ്പിലെ അംഗമായിരുന്നു. അയ്യൻകാവ് പട്ടാളം എത്തിയതറിഞ്ഞ് ക്യാമ്പിൽ നിന്നു പ്രകടനമായി പോയ കൂട്ടത്തിൽ രാഘവനും ഉണ്ടായിരുന്നു. പിഇ-10/1122 നമ്പർകേസിൽ പ്രതിയായി. 1946 ഒക്ടോബർ 27 മുതൽ 1947 നവംബർ വരെ ഒളിവിൽ പോയി. എന്നാൽ വൈക്കത്തുവച്ച് പൊലീസ് പിടിയിലായി. തുടർന്ന് ആലപ്പുഴ സബ് ജയിലിൽ കിടന്നു. പൊലീസിന്റെ ക്രൂരമർദ്ദനത്തിനിരയായി. അടിയന്തരാവസ്ഥക്കാലത്തും ജയിൽശിക്ഷ അനുഭവിച്ചു. 2010 മാർച്ച് 29-ന് അന്തരിച്ചു.ഭാര്യ: ഭാർഗവി. മക്കൾ: രമേശ് കുമാർ, പ്രസന്നകുമാരി.