വാസു

പട്ടണക്കാട് കൊടിയനാട് വീട്ടിൽ കുഞ്ഞന്റെയും കായിയുടെയും മകനായി ജനനം.പ്രാഥമിക വിദ്യാഭ്യാസം നേടിയിട്ടുണ്ട്. വേട്ടയ്‌ക്കൽകൊച്ച എന്നയാളുടെ കൊപ്രാക്കളത്തിലെ എണ്ണയാട്ട് തൊഴിലാളിയായിരുന്നു. അഭ്യാസിയായിരുന്നു. പട്ടാളത്തിൽ നിന്നും പിരിഞ്ഞുവന്നയാളാണെന്നു ചിലർ പറയുകയുണ്ടായി. പുന്നപ്ര- വയലാർ സമരത്തിൽ മേനാശ്ശേരി ക്യാമ്പ് കേന്ദ്രമാക്കിയാണ് പ്രവർത്തിച്ചിരുന്നത്. പാറപ്പള്ളി തോടിന് സമീപം പട്ടാളമെത്തിയതറിഞ്ഞു ക്യാമ്പിലെ സഖാക്കളെ വിവരം അറിയിക്കുവാൻ പോകുന്നതിനിടയിൽ കൈതത്തറ എന്ന സ്ഥലത്തുവെച്ച് വെടിയേറ്റു രക്തസാക്ഷിയായി. വീട് പട്ടാളം തീവെച്ചു നശിപ്പിച്ചിരുന്നു. സ്വാതന്ത്ര സമരസേനാനി ശിവപ്രിയൻ സഹോദരനാണ്.