ചാണ്ടി ഔസേപ്പ്

അരൂർ എരമല്ലൂർ കൊന്നപ്പറമ്പിൽ വീട്ടിൽ ചാണ്ടിയുടെ മകനായി 1924ൽ ജനനം. ചിറയിൽ സി.സി. ജോസഫ് (ജോസഫ് ഔസേപ്പ്) എന്നും അറിയപ്പെട്ടിരുന്നു. സമരത്തിൽ സജീവമായിരുന്നു. പിഇ-5/1122 നമ്പർ കേസിൽ പ്രതിയായി. അറസ്റ്റ് ഒഴിവാക്കാൻ 1946 ഒക്ടോബർ 27 മുതൽ 1950 ജനുവരി 30 വരെ 4 വർഷം ഒളിവിൽ കഴിഞ്ഞു. ഈ സമയത്ത് വീടും ജംഗമവസ്തുക്കളും പോലീസ് കണ്ടുകെട്ടി. സി.ജി. സദാശിവനോടൊപ്പം സജീവ സംഘടനാ പ്രവർത്തനം നടത്തിയിരുന്നു.