കെ.എസ്. കേശവൻ

അരൂർ വെളുത്തുള്ളി ഭവനത്തിൽ ശങ്കുവിന്റെ മകനായി ജനനം. കൂലിപ്പണിക്കാരനായിരുന്നു. തിരുവിതാംകൂർ സ്റ്റേറ്റ് കോൺഗ്രസിൽ അംഗമായിരുന്നു. 1938-ലെ ഉത്തരവാദിത്ത ഭരണപ്രക്ഷോഭത്തിൽ പങ്കെടുത്തു. പുന്നപ്ര-വയലാർ സമരത്തിലും പങ്കാളിയായി. തുടർന്ന് പിഇ-10/122(എംഇ) നമ്പർ കേസിൽ പ്രതിയായി. അറസ്റ്റ് ഒഴിവാക്കാൻ 1946 ഒക്ടോബർ 27 മുതൽ 1947 ഒക്ടോബർ 15 വരെ ഒളിവിൽ കഴിഞ്ഞു. 1998-ൽ അന്തരിച്ചു. ഭാര്യ: ഭാരതി. മക്കൾ: ശശിധരൻ, കരുണാകരൻ, സദാശിവൻ, ഷൺമുഖൻ, ഭാർഗവൻ, ഭാഗീശ്വരി.