സി.കെ. നാരായണൻ
പാണാവള്ളി ചിറയിൽ വീട്ടിൽ 1914-ൽ ജനനം. പ്രാഥമിക വിദ്യാഭ്യാസംനേടിയിരുന്നു. കയർ ഫാക്ടറി തൊഴിലാളി ആയിരുന്നു. തിരുവിതാംകൂർ സ്റ്റേറ്റ് കോൺഗ്രസിന്റെ സജീവ പ്രവർത്തകൻ. ഉത്തരവാദിത്തഭരണ പ്രക്ഷോഭത്തിൽ പങ്കെടുത്തു. പുന്നപ്ര-വയലാർ സമരത്തിന്റെ ഭാഗമായി പിഇ-10/40 നമ്പർ അടക്കം പല കേസുകളിലും പ്രതിയായിരുന്നു. ഒളിവിൽ പോയി. 1947-ലാണ് അറസ്റ്റ് ചെയ്യപ്പെട്ടത്. ചേർത്തല ലോക്കപ്പിൽ 14 മാസം വിചാരണ തടവുകാരനായി തടവിലായി. ക്രൂരമർദ്ദനത്തിനിരയായി.