എന്‍. പ്രഭാകരന്‍
ആര്യാട് വെളിയില്‍ വീട്ടിൽ നാരായണന്റെയും രുഗ്മിണിയുടേയും മകനായി 1907-ൽ ജനനം. ആസ്പിന്‍വാൾ കമ്പനിയിലെ തൊഴിലാളിയായിരുന്നു. വിരിശ്ശേരി ക്യാമ്പ് കേന്ദ്രമാക്കിയാണ് പ്രവർത്തിച്ചിരുന്നത്. കോമളപുരം കലിങ്കുപൊളിക്കല്‍ സമരത്തില്‍ പങ്കെടുത്തതിനെത്തുടര്‍ന്ന് കേസിൽ പ്രതിയായി. അറസ്റ്റ് ഒഴിവാക്കുന്നതിനായി കോട്ടയത്ത് പണിക്കര്‍ എന്ന പേര് സ്വീകരിച്ച് ഒളിവില്‍ താമസിച്ചു. പിന്നീട് പോലീസ് അറസ്റ്റ് ചെയ്തു മർദ്ദിച്ചു. 6 മാസം ആലപ്പുഴ സബ് ജയിലില്‍ ശിക്ഷ അനുഭവിച്ചു. 1985 സെപ്തംബര്‍ 5-ന് അന്തരിച്ചു.ഭാര്യ: കമലമ്മ.മക്കള്‍: മണിലാല്‍, സജീവ്, ജയരാജ്,ജയശ്രീ, രതീഷ് കുമാര്‍.
