കെ.ആർ. വിശ്വംഭരന്‍
ആര്യാട് അവലൂക്കുന്നുതയ്യിൽ വീട്ടിൽ രാമന്റെയും നാരായണിയുടെയും മകനായി 1899 ഡിസംബര്‍ 10-ന് ജനിച്ചു. ആസ്പിൻവാൾ കമ്പനി തൊഴിലാളിയായിരുന്നു. വിരിശ്ശേരി ക്യാമ്പ് കേന്ദ്രീകരിച്ചാണ് പ്രവർത്തിച്ചത്. പിഇ-7/1122 നമ്പര്‍ കേസിൽ പ്രതിയായി. അറസ്റ്റ് വാറണ്ട് പുറപ്പെടുവിച്ചതിനെ തുടർന്ന് 8 മാസം ഒളിവിൽ കഴിഞ്ഞെങ്കിലും അറസ്റ്റിലായി. മർദ്ദനമേറ്റു. 6 മാസം തടവുശിക്ഷ അനുഭവിച്ചു. കെ.സി. ജോര്‍ജ്, ശങ്കരനാരായണന്‍ തമ്പി എന്നിവര്‍ സഹതടവുകാരായിരുന്നു. മക്കൾ:ബൈജു, ഷീല, സുരേഷ്.
