അഗസ്റ്റിൻ മത്തായി

മാരാരിക്കുളംതെക്ക്ആഞ്ഞിലിക്കൽ വീട്ടിൽ അഗസ്റ്റിന്റെയും അന്നമ്മയുടെയും മകനായി 1919 ജൂലൈ 23-ന് ജനിച്ചു. മാതാപിതാക്കളുടെ തൊഴിൽ കച്ചവടവും കയർപിരിയുമായിരുന്നു. ഏഴാംക്ലാസ് വരെ പഠിച്ചു. ഡാറാസ്മെയിൽ മില്ലിൽ തൊഴിലാളിയായിരുന്നു. കാട്ടൂർ ക്യാമ്പിലെ അംഗമായിരുന്നു. തുമ്പോളി വടക്കുവശമുള്ള കലുങ്ക് പൊളിക്കുന്നതിലും ടെലിഫോൺ കമ്പി മുറിക്കുന്നതിലും പങ്കാളിയായി. പിഇ-7/122 നമ്പർ കേസിൽ പ്രതിയായി. അറസ്റ്റ് വാറണ്ട് ഉണ്ടായിരുന്നതിനാൽ കൊല്ലത്ത് ഒളിവിൽപോയി. 1964-നുശേഷം സിപിഐ(എം)ൽ പ്രവർത്തിച്ചു. 2006 മാർച്ച് 23-ന് അന്തരിച്ചു. ഭാര്യ: പ്രസ്തീന.