ദാമോദരൻ പൊഴിമുട്ടത്ത്

കാട്ടൂർ പനയ്ക്കൽ ക്ഷേത്രത്തിനടുത്ത് പൊഴിമുട്ടത്തു വീട്ടിൽ ജനനം. മത്സ്യത്തൊഴിലാളി യൂണിയൻ പ്രവർത്തകനായിരുന്നു. കാട്ടൂർ വെടിവയ്പ്പിൽ പരിക്കേറ്റു. വലതുകാലിന്റെ മുട്ടിനു മുകളിലേറ്റ വെടി കാലുതുളച്ചു പുറത്തുപോയി. പ്രാഥമിക ശുശ്രൂഷ നൽകിയശേഷം പാതിരപ്പള്ളിയിൽ ആശുപത്രിയിലാക്കി. മുറിവുണങ്ങിയശേഷം മുടന്തിയാണു നടന്നിരുന്നത്. എങ്കിലും വള്ളത്തിൽ തണ്ടുവലിക്കാൻ പോകുമായിരുന്നു. അവിവാഹിതനായിരുന്നു. 1970-ൽ അന്തരിച്ചു.