കെ.കെ. ദാമോദരൻ

മണ്ണഞ്ചേരി, കരിച്ചാംപറമ്പിൽ കേശവന്റെയും മങ്കയുടേയും മകനായി 1929-ൽ ജനനം. പ്രാഥമിക വിദ്യാഭ്യാസത്തിനു ശേഷം തയ്യൽ തൊഴിലാളിയായി. പുന്നപ്ര-വയലാർ സമരത്തിൽ വലിയവീട് ക്യാമ്പിൽ പ്രവർത്തിച്ചു. സമരത്തിനിടയിൽ പോലീസുകാരനെ മർദ്ദിച്ചതിനു പിഇ-7/1122 നമ്പർ കേസിൽ അറസ്റ്റിലായി. ആലപ്പുഴ സബ് ജയിലിൽ 7 മാസം ജയിൽശിക്ഷ അനുഭവിച്ചു. ക്രൂരമർദ്ദനമേറ്റു. ശിക്ഷാകാലയളവിലെ അനുഭവങ്ങളെ പരാമർശിച്ചു കൊണ്ട് “സ്വപ്നം വരുത്തിവച്ച വിന” എന്ന ലേഖനം പ്രസിദ്ധീകരിച്ചു. 1991 ആഗസ്റ്റ് 30-ന് അന്തരിച്ചു. ഭാര്യ: അംബുജാക്ഷി.