കെ.കെ. ദിവാകരൻ

മണ്ണഞ്ചേരി നോർത്ത് ആര്യാട് പറമ്പിത്തറ വീട്ടിൽ ജനിച്ചു. കെ.പി.മെമ്മോറിയൽ സ്ക്കൂളിൽ നിന്നും 7-ാം ക്ലാസുവരെ പഠിച്ചു. കയർ തൊഴിലാളി ആയിരുന്നു. വലിയവീട് ക്യാമ്പിലാണ് പ്രവർത്തിച്ചത്. മാരാരിക്കുളം പാലം പൊളിയ്ക്കുന്നതിനുള്ള ടീമിൽ അംഗമായിരുന്നു. പട്ടാളം വെടിവെച്ചപ്പോൾ നിലത്തു കമിഴ്ന്ന് കിടന്നാണു രക്ഷപ്പെട്ടത്. കേസിൽ പ്രതിയായി 6 മാസക്കാലം ഒളിവിൽ കഴിഞ്ഞെങ്കിലും പൊലീസ് അറസ്റ്റ് ചെയ്തു. ക്രൂരമർദ്ദനമേറ്റു. 9 മാസക്കാലം ആലപ്പുഴ സബ് ജയിലിൽ ശിക്ഷ അനുഭവിച്ചു. ഭാര്യ: കമലാക്ഷി. മക്കൾ: പ്രിയദാസ്, ശിവമണി, പ്രേംദാസ്.