ഭാനു

മുഹമ്മ തോട്ടത്തുശ്ശേരി വെളിയില്‍ അയ്യപ്പന്റെയും പാറുകാർത്യായനിയുടെയും മകനായി ജനിച്ചു. കയർ ഫാക്ടറി തൊഴിലാളിയായിരുന്നു. പൊട്ടച്ചാൽവെളി ഭാനു എന്നും അറിയപ്പെട്ടിരുന്നു. കരിങ്ങോട്ടുവെളി ക്യാമ്പ് കേന്ദ്രീകരിച്ചാണു പ്രവർത്തിച്ചിരുന്നത്. പിന്നീട് അവിടെ നിന്നും കണ്ണാർകാട് ക്യാമ്പിലേക്കു മാറി. സമരക്കാർ പൊളിച്ച മാരാരിക്കുളം പാലം പട്ടാളം പുനർനിർമ്മിക്കുന്നതറിഞ്ഞ് അവിടേക്കു നീങ്ങിയ നൂറോളം സമരക്കാർക്കു നേരെ പട്ടാളം വെടിവച്ചു. വെടിവയ്പ്പിൽ ഭാനു രക്തസാക്ഷിയായി. മൃതദേഹം പട്ടാളം പാലത്തിനടയിൽതന്നെ കുഴിച്ചിടുകയായിരുന്നു. സഹോദരി: ഭാർഗവി. മകൾ: കാർത്യായനി.