വെളുത്ത കൃഷ്ണന്‍

കണിച്ചുകുളങ്ങരയില്‍ കയര്‍ത്തൊഴിലാളിയായിരുന്ന വെളുത്തയുടെയും നാണിയുടെയും മകനായി 1923-ൽ ജനിച്ചു. കയര്‍ത്തൊഴിലാളിയായിരുന്നു. കമ്മ്യൂണിസ്റ്റ് പാർടിയിൽ അംഗമായിരുന്ന കൃഷ്ണൻ ട്രേഡ് യൂണിയൻ ഫാക്ടറി കമ്മിറ്റി കൺവീനർ ആയിരുന്നു. മാരാരിക്കുളംപാലംപൊളിക്കൽ സമരത്തിൽ പങ്കെടുത്തു. പിഇ-10/1122 നമ്പർ കേസിൽ പ്രതിയായി അറസ്റ്റ് ചെയ്യപ്പെട്ടു. ക്രൂരമായ മർദ്ദനമേറ്റു. 1 വർഷക്കാലത്തോളം (1946 ഒക്ടോബര്‍ 27 മുതല്‍ 1948 ഫെബ്രുവരി 25 വരെ) ആലപ്പുഴ സബ് ജയിലിലും ചേർത്തല ലോക്കപ്പിലും ശിക്ഷയനുഭവിച്ചു. 2001 ജനുവരി 13-ന് അന്തരിച്ചു. സഹോദരങ്ങള്‍: കുട്ടപ്പന്‍, അയ്യമ്മ. ഭാര്യ: ഭാരതി.