വി.എന്‍. ദാനവന്‍
കഞ്ഞിക്കുഴി വാരച്ചാലുങ്കല്‍ വീട്ടില്‍ നീലകണ്ഠന്റെയും കാര്‍ത്ത്യായനി(കുഞ്ഞുലി)യുടെയും മകനായി ജനനം. കളവംകോടം രാമൻ മുതലാളിയുടെ നടത്തിപ്പുകാരായിരുന്നു ദാനവന്റെ കുടുംബം. കയർ ഫാക്ടറി തൊഴിലാളി ആയിരുന്നു. കരിങ്ങട്ടവെളി ക്യാമ്പില്‍ പ്രവര്‍ത്തിച്ചു. പിഇ-7/122 നമ്പർ കേസിൽ പ്രതിയായപ്പോൾ പെണ്‍വേഷം കെട്ടിയും നാലുകെട്ട് വീടിന്റെ ഓവുചാലില്‍ കിടന്നും പൊലീസിൽ നിന്നും രക്ഷപ്പെട്ടിട്ടുണ്ട്. ഒരുവർഷക്കാലം ഒളിവിലായിരുന്നു. 1956-ല്‍ കഞ്ഞിക്കുഴി പഞ്ചായത്ത് രൂപീകരിച്ചപ്പോള്‍ ഒന്നാം വാര്‍ഡ് അംഗമായി. 1964-നുശേഷം സിപിഐ(എം)ൽ പ്രവർത്തിച്ചു. 1995-ല്‍ അന്തരിച്ചു. ഭാര്യ: ഭാരതി. മക്കൾ: ശശിധരന്‍, കൈരളി, ജമീല.
