കെ.വി. മാധവന്‍
കഞ്ഞിക്കുഴി തെക്കുംപറമ്പില്‍ വേലുവിന്റെയും കായിയുടെയും മകനായി 1923-ല്‍ ജനിച്ചു. കയർ തൊഴിലാളിയായിരുന്നു. മാരാരിക്കുളം പാലം പൊളിക്കലിന് ശേഷമുള്ള പ്രകടനത്തില്‍ പങ്കെടുത്തു. അറസ്റ്റു വാറണ്ടും പോലീസിന്റെ നിരന്തരമായ അന്വേഷണംമൂലവും ഒളിവില്‍പോയി. പൊലീസ് വീട് കൈയേറുകയും നാശനഷ്ടങ്ങൾ വരുത്തുകയും ചെയ്തു. ഓട്ടോകാസ്റ്റ് ഫാക്ടറിക്കായുള്ള സ്ഥലമെടുപ്പുവേളയിൽ ഉപാധിരഹിതമായി 18 സെന്റ് സ്ഥലവും വീടും സർക്കാരിലേക്കു വിട്ടുകൊടുത്തു. 1999 ഡിസംബര്‍ 22-ന് അന്തരിച്ചു. ഭാര്യ: ചെല്ല. മക്കള്‍: ചന്ദ്രിക, വത്സല, കനകമ്മ, നിര്‍മ്മല.
