സി.കെ. നാരായണന്
കഞ്ഞിക്കുഴി ചാലുങ്കല്വെളിയില് കൃഷ്ണന്റെ മകനായി ജനിച്ചു. ചാരങ്കാട്ട് കയര് ഫാക്ടറി തൊഴിലാളിയായിരുന്നു. മാരാരിക്കുളം പാലം പൊളിക്കല് കേസില് പ്രതിയായി. ചങ്ങനാശ്ശേരിയില് 18 മാസം ഒളിവില് കഴിഞ്ഞു. പൊലീസ് വീട്ടുസാമഗ്രികൾ കണ്ടുകെട്ടുകയുണ്ടായി. ഒളിവുകാലത്ത് സി.ജി. സദാശിവനുമായി ബന്ധപ്പെട്ടാണു പ്രവർത്തിച്ചിരുന്നത്. പൊലീസ് പിടിയിലായി ക്രൂരമർദ്ദനമേൽക്കുകയും ആലപ്പുഴ ജയിലിൽ കിടക്കുകയും ചെയ്തിട്ടുണ്ട്. 1964-നുശേഷം സിപിഐ(എം)ൽ പ്രവര്ത്തിച്ചു. ചാലുങ്കല് പാടശേഖരകമ്മിറ്റിയുടെ പ്രസിഡന്റായിരുന്നു. ഹൃദ്രോഗത്തെത്തുടർന്ന് ചികിത്സയിലായിരിക്കെ 2006 ജൂലൈ 8-ന് അന്തരിച്ചു. ഭാര്യ: ഭവാനി. മക്കള്: ശശിധരന്, തിലകന്, രവീന്ദ്രന്, ധനഞ്ജയന്, ചന്ദ്രസേനന്.
