നാരായണൻ പുത്തനങ്ങാടി

മുഹമ്മ പുത്തനങ്ങാടിയിലെ ബീഡി തൊഴിലാളി ആയിരുന്നു. 25 വയസ് പ്രായമുണ്ടായിരുന്ന പൂർണ്ണ ആരോഗ്യവാനായ യുവാവായിരുന്നു. ചേർത്തല ലോക്കപ്പിലെ മർദ്ദനങ്ങൾമൂലം ആരോഗ്യം തകർന്നു. ടൈഫോയ്ഡ് പിടിപെട്ടു. ചീക്കിനു കൊണ്ടുപോയ വേളയിൽ പൊലീസ് തോട്ടിലെ വെള്ളത്തിൽ മുക്കിപ്പിടിച്ചു. മരണവേദനകൊണ്ട് ആ പൊലീസുകാരനെ തിരിച്ചടിച്ചു. തുടർന്ന് അതികഠിനമായ മർദ്ദനംമൂലം ജീവശ്ചവമായി. ആശുപത്രിയിൽവച്ച് മരണമടഞ്ഞു.