മാണിക് മാധവന്
ചേര്ത്തല തെക്ക് പഞ്ചായത്തില് ചാല്ത്തറയില് വീട്ടിൽ 1918-ൽ ജനനം. ദളിത് ക്രിസ്ത്യാനിയായിരുന്നു. പ്രാഥമിക വിദ്യാഭ്യാസം നേടി. മാരാരിക്കുളം പാലം പൊളിക്കൽ സമരത്തിൽ പിഇ7/1122 കേസിൽ പ്രതിയായി ആലപ്പുഴ സബ്ജയിലില് 11 മാസം ജയില്വാസമനുഭവിച്ചു. നിലം ബലം പ്രയോഗിച്ച് കൊയ്യുന്നതുമായി ബന്ധപ്പെട്ട് പാട്ടത്തിൽ കർത്താ എന്ന ജന്മിയുടെ ഗുണ്ടകളുമായുണ്ടായ സംഘർഷത്തിൽ തള്ളവിരൽ നഷ്ടമായി. രണ്ടേക്കർ സ്ഥലം പതിച്ചുകിട്ടി. ക്രൂരമർദ്ദനങ്ങൾ ഏൽക്കേണ്ടിവന്നതിനാൽ ക്ഷയരോഗ ബാധിതനായി അന്തരിച്ചു.
