വി.ആര്‍. ഭാസ്കരന്‍
ആര്യാട് തേവേപ്പില്‍വീട്ടില്‍ രാമന്‍കുട്ടിയുടേയും കായിജാനകിയുടേയും മകനായി 1922-ല്‍ ജനനം. ആസ്പിന്‍വാൾ കമ്പനിയിലെ തൊഴിലാളിയായിരുന്നു.കമ്മ്യൂണിസ്റ്റ് പാര്‍ട്ടിയുടെ സജീവ പ്രവർത്തകനായിരുന്നു. ആര്യാട് കൈതത്തില്‍ ക്യാമ്പ് കേന്ദ്രമാക്കിയാണ് പ്രവർത്തിച്ചിരുന്നത്. മാരാരിക്കുളം പാലം പൊളിക്കലിനെ തുടർന്ന് പി.ഇ 7/1122 നമ്പർ കേസിൽ പ്രതിയായി. എസ്. കുമാരനോടൊപ്പം ഒളിവിൽ പോയി. ഒളിവില്‍ കഴിയവെ പോലീസ് അറസ്റ്റ് ചെയ്തു. മർദ്ദനമേറ്റു. 9 മാസം ജയിൽശിക്ഷ അനുഭവിക്കുകയും ചെയ്തു. ഭാര്യ: വൈഷ്ണവി. മക്കള്‍: ശിവാജി, സാബു, ദിലീപ്, രേണുക, ഷീലാ ദേവി.
