വി.ആര്. നാരായണ്
വയലാര് വിരുത്തംമ്പിറയിൽ 1923-ല് ജനനം. പ്രാഥമിക വിദ്യാഭ്യാസം നേടി. കൊല്ലപ്പള്ളി ക്യാമ്പ് കേന്ദ്രമാക്കിയാണു പ്രവർത്തിച്ചിരുന്നത്. വയലാർ വെടിവയ്പ്പിൽ മുതുകിനു വെടിയേറ്റു. ഇപ്പോൾ മണ്ഡപം നിൽക്കുന്ന സ്ഥലത്തുണ്ടായിരുന്ന കുളത്തിൽ വീണു. പൊലീസ് തോക്കിന്റെ പാത്തികൊണ്ട് മർദ്ദിച്ചു. മരിച്ചുവെന്നുകരുതി ഉപേക്ഷിച്ചിട്ടു പോയി. അവിടെനിന്നും രക്ഷപ്പെട്ട് ആശുപത്രിയിൽ ചികിത്സതേടവേ പൊലീസ് അറസ്റ്റ് ചെയ്തു. ആലപ്പുഴ, തിരുവനന്തപുരം എന്നീ ജയിലുകളിലായി ഒന്നരവര്ഷം ശിക്ഷ അനുഭവിച്ചു. ക്രൂരമായ പൊലീസ് മർദ്ദനത്തിനിരയായിട്ടുണ്ട്. 1981-ൽ അന്തരിച്ചു. ഭാര്യ:ശാന്തമ്മ,മക്കൾ:രാജേന്ദ്രൻ, മുരളീധരൻ, ജമീല, അജയൻ.
