കെ.വി. ഗോവിന്ദൻ (കുമാരിവേലി ഗോവിന്ദൻ)

ആര്യാട് കൈതകുളങ്ങര വെളിയിൽ വീട്ടിൽ 1909-ൽ ജനിച്ചു. 1930 മുതൽ സ്വാതന്ത്ര്യസമരത്തിൽ പങ്കെടുത്തിട്ടുണ്ട്. ഉപ്പുസത്യാഗ്രഹത്തിൽ പങ്കെടുത്തതിന് 1930-ൽ കോഴിക്കോട് സബ് ജയിലിൽ 2 മാസം ശിക്ഷ അനുഭവിച്ചു. തുടർന്ന് വിദേശവസ്ത്ര ബഹിഷ്കരണത്തിന് കടകൾ പിക്കറ്റ് ചെയ്തതിന് 6 മാസം കണ്ണൂർ സെൻട്രൽ ജയിലിൽ ശിക്ഷ അനുഭവിച്ചു. 1938-ലെ ഉത്തരവാദിത്തഭരണ പ്രക്ഷോഭത്തിൽ തിരുവനന്തപുരം സെൻട്രൽ ജയിലിൽ 1 വർഷം തടവിലായി. ഈ സമരങ്ങളിലൊക്കെ പൊലീസ് മർദ്ദനമേറ്റു.