എം.കെ. രാമകൃഷ്ണന്‍
കടക്കരപ്പള്ളി പുത്തന്‍തറയില്‍ ജനിച്ചു. ഏഴാംക്ലാസുവരെ പഠിച്ചു. കർഷകത്തൊഴിലാളി ആയിരുന്നു. കടക്കരപ്പള്ളിയിലെ പ്രമുഖ ജന്മി കുടുംബത്തിനുവേണ്ടി എന്തു നിഷ്ഠൂരമായ പ്രവര്‍ത്തനങ്ങള്‍ക്കും നേതൃത്വം കൊടുത്ത നാലുകെട്ടുങ്കല്‍ രാമന്‍ എന്നയാളെ കൊലപ്പെടുത്തിയ പിഇ6/122 നമ്പർ കേസിലെ രണ്ടാംപ്രതിയായി അറസ്റ്റിലായി. വിചാരണ തടവുകാരനായി ചേർത്തല ലോക്കപ്പിലും ആലപ്പുഴ സബ് ജയിലിലും ദീർഘനാൾ കിടന്നു. തിരുവനന്തപുരം സെൻട്രൽ ജയിലിൽ ഒരുവർഷവും ഒരുമാസവും ശിക്ഷയനുഭവിച്ചു. 1964-നുശേഷം സിപിഐ(എം)ന്റെ ഭാഗമായി പ്രവര്‍ത്തിച്ചു.മക്കൾ: ദ്രൗപതി, ഗോപിനാഥന്‍, രാധാമണി, കാഞ്ചനവല്ലി, സുഖപാല്‍, സുജാത, ഗാനപ്രിയ, ഷാജി, സുനിദത്ത്
