കിട്ടന് വേലായുധൻ
ആര്യാട് വെളിയില് വീട്ടിൽ കിട്ടന്റെ മകനായി ജനനം.കയര്ഫാക്ടറി തൊഴിലാളിയായിരുന്നു.1930 മുതൽ സ്വാതന്ത്ര്യസമര പ്രവര്ത്തനങ്ങളിൽ സജീവമായിരുന്നു. പിഇ 7/1122 നമ്പര് കേസിൽ പ്രതിയായതിനെ തുടര്ന്ന് രണ്ടരവര്ഷം ഒളിവിൽ കഴിഞ്ഞു. 1949 ഏപ്രിൽ മാസത്തിൽ അറസ്റ്റിലായി. 5 മാസം ലോക്കപ്പിൽ വിചാരണതടവുകാരനായി കിടന്നു. ക്രൂരമായ മർദ്ദനം ഏൽക്കേണ്ടിവന്നു. സിസി-280/124 നമ്പര് കേസില് ഡിവിഷണല് ഒന്നാംക്ലാസ് മജിസ്ട്രേറ്റ് 2 വര്ഷം തടവുശിക്ഷ വിധിച്ചു. തിരുവനന്തപുരം സെന്ട്രല് ജയിലിലായിരുന്നു. എൻ.പി. തണ്ടാർ സഹതടവുകാരനായിരുന്നു. 1951 മെയ് 21-ന് ജയിൽമോചിതനായി.
