വി.കെ. ഗോപാലൻ

പട്ടണക്കാട് വെള്ളക്കാട് വീട്ടിൽ 1919-ൽ ജനനം. പ്രാഥമിക വിദ്യാഭ്യാസംനേടിയിരുന്നു. കയർത്തൊഴിലാളി ആയിരുന്നു. വയലാർ വെടിവയ്പ്പിൽ വലതുകാലിൽ വെടിയേൽക്കുകയും കാലിന്റെ സ്വാധീനം നഷ്ടപ്പെടുകയും ചെയ്തു. 6/122 നമ്പർ രാമൻ കൊലക്കേസിൽ അറസ്റ്റ് വാറണ്ട് ഉണ്ടായി. തുടർന്ന് കേസ് പിൻവലിക്കുന്നതുവരെ മൂന്നുവർഷം ഒളിവിൽ കഴിഞ്ഞു. കൊട്ടാരക്കാര ചിറയിൽ രണ്ടേക്കർ വനഭൂമി പതിച്ചുകിട്ടി.