കൊച്ചുകുട്ടി കുമാരൻ

പട്ടണക്കാട് തേറ്റുംവെളി വീട്ടിൽ കൊച്ചുകുട്ടിയുടെയും ചീരൻപെണ്ണിന്റെയും മകനായി ജനനം. തടുക്കു നെയ്ത്ത് തൊഴിലാളിയായിരുന്നു. സമരത്തിൽ പങ്കെടുത്തതിനെത്തുടർന്ന് അറസ്റ്റ് വാറണ്ടുണ്ടായി. കളരിക്കൽ അമ്പലത്തിനു സമീപം മനയിൽ ദീർഘകാലം ഒളിവിൽ കഴിഞ്ഞു. പൊന്നാംവെളിയിൽ കായിപ്പിള്ളയുടെ കയർ ഫാക്ടറിയിൽ ഒളിവിൽ കഴിയവേ അറസ്റ്റിലായി. ക്രൂരമർദ്ദനമേറ്റു. തുടർന്ന് ആലപ്പുഴ സബ് ജയിലിൽ തടവുശിക്ഷ അനുഭവിച്ചു. നാടക നടൻ കൂടിയായിരുന്ന കൊച്ചുകുട്ടി കുമാരൻ അഗതിമന്ദിരം എന്ന രാഷ്ട്രീയ നാടകത്തിൽ പ്രധാനവേഷം ചെയ്തു. ഭാര്യ: മാധവി. മക്കൾ: ശശിധരൻ, പ്രകാശൻ, സതീശൻ, ലാലപ്പൻ.