എൻ.കെ. അങ്കൻ

കോടംതുരുത്ത് താനിപ്പള്ളി നികർത്തിൽ കറുമ്പന്റെയും കോമയുടെയും മകനായി 1924-ൽ ജനിച്ചു.തെങ്ങുകയറ്റത്തൊഴിലാളിയായിരുന്നു. സമരത്തിൽ സജീവമായിരുന്നു. പിഇ-10/1122 നമ്പർ കേസിൽ പ്രതിയായി. അറസ്റ്റ് വാറണ്ട് പുറപ്പെടുവിച്ചതിനെത്തുടർന്ന് ഒരുവർഷവും ആറുമാസവും ഒളിവിൽ കഴിഞ്ഞു. 1964-നു ശേഷം സിപിഐ(എം)ൽ പ്രവർത്തിച്ചു. ബ്രാഞ്ച് സെക്രട്ടറിയായിരുന്നു. തെങ്ങുകയറ്റത്തൊഴിലാളി യൂണിയൻ കോടംതുരുത്ത് മേഖലാ സെക്രട്ടറിയായി പ്രവർത്തിച്ചിരുന്നു. ശ്വാസകോശ കാൻസറിനെ തുടർന്ന് എറണാകുളം ജനറൽ ആശുപത്രിയിൽ ചികിത്സയിലിരിക്കെ അന്തരിച്ചു. ഭാര്യ: സുമതി. മക്കൾ: ബേബി, ശശി, മോഹനദാസ്, അജയഘോഷ്.