അയ്യാറു കേശവൻ

പാണാവള്ളി വടക്കേവിളയിൽ വീട്ടിൽ അയ്യന്റെ മകനായി 1928-ൽ ജനനം. പ്രാഥമിക വിദ്യാഭ്യാസംനേടിയിരുന്നു. കയർ ഫാക്ടറി തൊഴിലാളി ആയിരുന്നു. വയലാർ ക്യാമ്പ് കേന്ദ്രീകരിച്ചായിരുന്നു പ്രവർത്തിച്ചിരുന്നത്. വെടിവയ്പ്പു സമയത്തു കായലിൽ ചാടി രക്ഷപ്പെട്ടു. പായലുകൾക്കിടയിൽ ഒളിച്ചിരുന്നു. ദിവസങ്ങൾക്കുശേഷമാണ് വീട്ടിൽ തിരിച്ചെത്തിയത്. പിഇ-5 നമ്പർ കേസിൽ പ്രതിയായി. അറസ്റ്റ് വാറണ്ടിനെത്തുടർന്ന് എട്ടുമാസത്തോളം ഒളിവിൽ കഴിഞ്ഞു. പൊലീസ് മർദ്ദനത്തിനു വിധേയനായിട്ടുണ്ട്. 1964-നുശേഷം സിപിഐയിൽ പ്രവർത്തിച്ചു. 2013 ജനുവരി 5-ന് അന്തരിച്ചു.ഭാര്യ: പത്മാക്ഷി.മക്കൾ: സോമൻ, രാജപ്പൻ, രമേശൻ, സുശീലൻ, ഉഷ, ഉദയൻ, ഗോപി.