കൊച്ചനന്തൻ പത്മനാഭൻ

പട്ടണക്കാട് തട്ടാടിക്കൽ വെളിയിൽ വീട്ടിൽ കൊച്ചനന്തന്റെയും മാധവിയുടെയും മകനായി 1927-ൽ ജനനം. കൃഷിപ്പണിയായിരുന്നു തൊഴിൽ. സമരത്തിൽ പങ്കെടുത്തതിനെ തുടർന്ന് പിഇ-6/422 നമ്പര്‍ കേസില്‍ അറസ്റ്റിലായി. ചേർത്തല ലോക്കപ്പിലും ആലപ്പുഴ സബ്ജയിലിലും തിരുവനന്തപുരം സെൻട്രൽ ജയിലിലുമായി 18 മാസം തടവിൽ കഴിഞ്ഞു. ക്രൂരമർദ്ദനത്തിനിരയായി. 1964-നുശേഷം സിപിഐയിൽ പ്രവർത്തിച്ചു. എസ്എൻഡിപി ശാഖാ സെക്രട്ടറിയായും ഉഴുവ കോപ്പറേറ്റീവ് ബാങ്കിന്റെ ബോർഡ് മെമ്പറായും പ്രവർത്തിച്ചിട്ടുണ്ട്. 1984 ജൂൺ 16-ന് അന്തരിച്ചു. ഭാര്യ: പി. ഭൈരവിയമ്മ. മകൾ: ജ്യോതി കുമാരി.