പി.എസ്. ബാഹുലേയന്
1927-ല് മുഹമ്മ പഞ്ചായത്തിലെ കല്പ്പകശ്ശേരി വീട്ടില് ജനനം. അച്ഛൻ ബ്രിട്ടീഷ് ബാര്ജ് സ്രാങ്കായിരുന്നു. അറിയപ്പെടുന്ന രാഷ്ട്രീയ നേതാവുമായിരുന്നു. കഞ്ഞിക്കുഴി ക്യാമ്പിലെ അംഗമായിരുന്നു. 1946-ലെ സമരത്തില് പങ്കെടുത്തു. തുടര്ന്ന് ഒളിവിൽപോയി. സമരാനന്തരം രാഷ്ട്രീയ പ്രവര്ത്തനം തുടരുകയും മുഹമ്മ പഞ്ചായത്തിന്റെ ആദ്യപ്രസിഡന്റ് സ്ഥാനം വഹിക്കുകയും ചെയ്തു. 1980-ൽ എഐസിപി സംസ്ഥാന ഓര്ഗനൈസിംഗ് സെക്രട്ടറിയായി. പിന്നീട് കോൺഗ്രസിൽ ചേർന്നു. ചേര്ത്തല മണ്ഡലം സെക്രട്ടറിയായിരുന്നു. വെള്ളകക്ക സഹകരണസംഘം, ആര്യക്കര കയര് സൊസൈറ്റി തുടങ്ങിയവ സ്ഥാപിക്കുന്നതിനു മുൻകൈയെടുത്തു.
