എ.കെ. ചെല്ലപ്പന്‍

ആലപ്പുഴ വടക്ക് പാണ്ടിയാലയ്ക്കല്‍ വീട്ടില്‍ 1922-ൽ ജനിച്ചു. 1938 മുതൽ സ്വാതന്ത്ര്യസമരത്തിലും ട്രേഡ് യൂണിയൻ പ്രവർത്തനങ്ങളിലും പങ്കാളിയായി. പുന്നപ്ര-വയലാർ സമരത്തില്‍ പങ്കെടുക്കുകയും പലതവണ മര്‍ദ്ദനമേൽക്കുകയും ചെയ്തു. പി.ഇ-7/1122 നമ്പര്‍ കേസില്‍ പ്രതിയായി. അറസ്റ്റ് വാറണ്ടിനെത്തുടർന്ന് ഒളിവിൽ പോയി. ഏകദേശം 9 മാസം ഒളിവില്‍ കഴിഞ്ഞു. മേക്കപ്പ് ആർടിസ്റ്റായിരുന്നു. 1964-നുശേഷം സിപിഐയിൽ പ്രവർത്തിച്ചു. 1977 ജനുവരി 1-ന് അന്തരിച്ചു.ഭാര്യ: എ.കെ. ആനന്ദവ്ലലി. മക്കള്‍: രഞ്ജിനി, രഞ്ജിത്ത്, അജിത്ത്, ഗീത, ലാജി, മനോജ്, റാണി.