കെ.വി. ദിവാകരന്‍
ആലപ്പുഴ വടക്ക് കൊച്ചുപറമ്പില്‍ വീട്ടില്‍ 1921-ല്‍ ജനിച്ചു. മഠത്തിലെ സ്കൂളിൽ (ഇന്നത്തെ സെന്റ് ആന്റണീസ് സ്കൂള്‍) ഏഴാംക്ലാസുവരെ പഠിച്ചു. പുന്നപ്ര-വയലാര്‍ സമരത്തില്‍ പങ്കെടുത്തതിനെ തുടർന്ന് കേസില്‍ പ്രതിയായി. അറസ്റ്റ് വാറണ്ടിനെത്തുടർന്ന് ഒളിവിൽ പോയി. സമരത്തിൽ ഇടതുകാലിൽ മുറിവേറ്റ പാട് ഉണ്ടായിരുന്നു. ഇതായിരുന്നു പെൻഷൻ ലഭിക്കാൻ അടയാളമായി നൽകിയത്. 2010 ജൂൺ 27-ന് അന്തരിച്ചു. ഭാര്യ: ഭാനുമതി. മക്കള്‍: രാജമ്മ, വിജയന്‍, ഓമന, ശാന്തപ്പന്‍, പ്രസന്നകുമാര്‍, ബീനകുമാരി.
