കൊച്ചയ്യപ്പൻ വടക്കേതൈവേലി          

പുന്നപ്ര വടക്ക് വടക്കേതൈവേലിയിൽ കൊച്ചയ്യപ്പൻ കയർ തൊഴിലാളി ആയിരുന്നു. 1938-ലെ ഉത്തരവാദിത്തഭരണ പ്രക്ഷോഭത്തിലും പൊതുപണിമുടക്കിലും പങ്കെടുത്തു. അറസ്റ്റ് ചെയ്യപ്പെടുകയും ആലപ്പുഴ ലോക്കപ്പിലും സെൻട്രൽ ജയിലിലുമായി ഒരുവർഷം തടവുശിക്ഷ അനുഭവിച്ചു. പൊലീസ് ക്രൂരമായി മർദ്ദിച്ച കൊച്ചയ്യപ്പൻ അവശനായിട്ടാണു ജയിൽ മോചിതനായത്. പുന്നപ്ര സമരത്തിൽ പങ്കാളിയായതിനെത്തുടർന്ന് ഒന്നരവർഷം വീണ്ടും തടവുശിക്ഷ അനുഭവിക്കേണ്ടിവന്നു. 1957-ൽ അന്തരിച്ചു.