പി.എം. ഭാസ്കരന്‍
ആലപ്പുഴ ആശ്രമം വാർഡ് പുത്തന്‍തയ്യില്‍ വീട്ടില്‍ കെലുക്കിയുടെ മകനായി ജനിച്ചു. പ്രാഥമിക വിദ്യാഭ്യാസംനേടിയിരുന്നു. കയർ തൊഴിലാളി ആയിരുന്നു. കമ്മ്യൂണിസ്റ്റ് അനുഭാവിയായിരുന്നു. പോലീസ് വാഹനം കടത്തി വിടാതിരിക്കാന്‍ കോമളപുരത്തെ പാലം പൊളിച്ചതിനെതുടര്‍ന്ന് പി.ഇ 7/1122 നമ്പർ കേസിൽ അറസ്റ്റിലായി. ആറുമാസത്തോളം ജയിൽവാസം അനുഭവിച്ചു. പി.എ. സോളമന്റെ സഹതടവുകാരനായിരുന്നു. ക്രൂരമായ പൊലീസ് മർദ്ദനത്തിൽ കാലിനു മുറിവേൽക്കുകയുണ്ടായി. ക്ഷയരോഗിയുമായി. ഭാര്യ: കമലാക്ഷി. മക്കള്‍: വിജയലളിത, പ്രകാശ് ബാബു, ചിത്തിര.
