ഗോപാലന്‍ കൊണ്ടപ്പള്ളിയിൽ
ആലപ്പുഴ കൊമ്മാടി വാർഡിൽ കൊണ്ടപ്പള്ളിയിൽ വീട്ടിൽ കൃഷ്ണന്റെ മകനായി 1900-ൽ ജനിച്ചു. കയർ ഫാക്ടറി തൊഴിലാളി ആയിരുന്നു. 1938-ലെ സമരത്തിൽ പങ്കെടുത്തു. 1946-ൽ പുന്നപ്ര ആക്രമണത്തിന്റെ മുന്നിലുണ്ടായിരുന്നു. വാരിക്കുന്തംകൊണ്ട് ഒരു പൊലീസുകാരനെ കടന്നാക്രമിക്കുന്നതിനിടയിൽ വെടിയേൽക്കുകയുണ്ടായി. ചികിത്സയിലിരിക്കെ 1948-ൽ അന്തരിച്ചു. ഭാര്യ: ഭാരതി. മക്കൾ: കുമാരി, രത്നമ്മ, ആനന്ദവല്ലി, വിദ്യാകരൻ, കനകമ്മ, രാജമണി, അംബിക, പ്രഭ, ലോകേശൻ, ദിനേശൻ. (കൊമ്മാടി വാർഡ് കൗൺസിലറും സിപിഐ(എം) ലോക്കൽ കമ്മിറ്റി സെക്രട്ടറിയുമായിരുന്ന കെ.ജെ. പ്രവീണിന്റെ അപ്പൂപ്പൻ)
