കെ.ആര്‍. കുഞ്ഞുപിള്ള
ആലപ്പുഴ വടക്ക് വടക്കുപറമ്പില്‍ വീട്ടില്‍ 1908-ൽ ജനിച്ചു. പ്രാഥമിക വിദ്യാഭ്യാസംനേടിയിരുന്നു. കയർ തൊഴിലാളി ആയിരുന്നു. 1938-ലെ ഉത്തരവാദിത്തഭരണ പ്രക്ഷോഭത്തിലും പൊതുപണിമുടക്കിലും പങ്കെടുത്തു. പി.ഇ–7/1122 നമ്പര്‍ കേസില്‍ അറസ്റ്റിലായി. ഏഴുമാസകാലം ജയില്‍വാസമനുഭവിച്ചു. പൊലീസിന്റെ ക്രൂരമർദ്ദനത്തിനിരയായി. വലതുകാൽമുട്ടിനു മുകളിലും വലതുതോളിന്റെ പുറകിലുമായി മർദ്ദന പാടുകളുണ്ടായിരുന്നു. ഇവയായിരുന്നു തിരിച്ചറിയൽ അടയാളങ്ങൾ. 1964-നുശേഷം സിപിഐ(എം)ൽ പ്രവർത്തിച്ചു.
