എ. കുഞ്ഞച്ചന്
ആലപ്പുഴ നോര്ത്ത് ആശ്രാമം വാർഡ് തട്ടാശ്ശേരി വീട്ടില് 1901-ല് ജനിച്ചു. പിയേഴ്സ് ലസ്ലി കമ്പനിയിൽ തൊഴിലാളിയായിരുന്നു. പുന്നപ്ര സമരത്തില് സജീവമായി പങ്കെടുത്തു. പി.ഇ–7/1122 നമ്പര് കേസില് അറസ്റ്റിലായി. ആലപ്പുഴ ലോക്കപ്പിൽ 9 മാസക്കാലം ശിക്ഷയനുഭവിച്ചു. പൊലീസിന്റെ ക്രൂരമർദ്ദനത്തിനിരയായി. മർദ്ദനത്തിൽ വലതുകാലിൽ മുട്ടിനു മുകളിൽ മുറിവ് ഉണങ്ങിയതിന്റെ പാട് ഉണ്ടായിരുന്നു. ഇതായിരുന്നു തിരിച്ചറിയൽ അടയാളം. ജയിൽശിക്ഷമൂലം കമ്പനിയിലെ സ്ഥിരം ജോലി നഷ്ടമായി.
