വി.വി. പോള്
ആലപ്പുഴ നോര്ത്ത് വാച്ചാക്കല് വീട്ടില് ബാസ്റ്റിന്റെയും അമ്മൂട്ടിയുടെയും മകനായി ജനനം. പുന്നപ്ര പൊലീസ് ക്യാമ്പ് ആക്രമണത്തിൽ പങ്കെടുത്തു. തുടർന്ന് പി.ഇ-7/1122 നമ്പര് കേസില് പ്രതിയായി. അറസ്റ്റ് വാറണ്ടിനെത്തുടർന്ന് ഒളിവിൽ പോയി. ഏകദേശം എട്ടുമാസക്കാലം ഒളിവില് കഴിഞ്ഞു. പിന്നീട് അറസ്റ്റിലായി. പൊലീസ് ക്രൂരമായി മർദ്ദിച്ചു. ക്ഷയരോഗ ബാധിതനായി. വലതു കൈത്തണ്ടയിലും വലതു കാൽമുട്ടിന്റെ അകവശത്തും മർദ്ദനംമൂലമുണ്ടായ മുറിവുകളുടെ പാടുകൾ ഉണ്ടായിരുന്നു. 1987 ഫെബ്രുവരി 3-ന് അന്തരിച്ചു. ഭാര്യ: അഞ്ചമ്മപോൾ. മകൻ: കുഞ്ഞുമോന്
