എം.കെ. അബ്ദുല്‍ റഹ്മാന്‍
ആലപ്പുഴ തെക്ക് പുന്നയ്ക്കല്‍ പുരയിടത്തില്‍ കാസിംപിള്ളയുടെ മകനായി 1926-ല്‍ ജനിച്ചു. വില്യം ഗുഡേക്കര്‍ കമ്പനിയില്‍ തൊഴിലാളിയായിരുന്നു. തിരുവിതാംകൂര്‍ കയര്‍ ഫാക്ടറി വര്‍ക്കേഴ്സ് യൂണിയന്‍ കണ്‍വീനറായിരുന്നു. പുന്നപ്ര പൊലീസ് ക്യാമ്പ് ആക്രമണത്തിനു മുന്നോടിയായി നടന്ന ഘോഷയാത്രയിൽ പങ്കെടുത്തതിന്റെ ഭാഗമായി പി.ഇ-7/1122 നമ്പർ കേസിൽ അറസ്റ്റിലായി. പത്തു മാസത്തോളം ആലപ്പുഴ സബ് ജയിലില്‍ ശിക്ഷ അനുഭവിച്ചു. പോലീസിന്റെ ക്രൂരമര്‍ദ്ദനത്തിനിരയായി. അവിടെനിന്നു ജയില്‍ചാടി 18 മാസത്തോളം ഹൈദരാബാദിലും മറ്റും ഒളിവില്‍ കഴിഞ്ഞു.
