ജി. ഭാസ്കരന്‍

ആലപ്പുഴ തെക്ക് തിരുവമ്പാട് വാർഡ് കല്ലുപുരയ്ക്കല്‍ വീട്ടില്‍ 1923 ജനുവരി 1-ന് ജനിച്ചു. പ്രാഥമികവിദ്യാഭ്യാസം. കയര്‍ തൊഴിലാളി. കമ്മ്യൂണിസ്റ്റ് പാർടി പ്രവർത്തകനായിരുന്നു. തൊഴിലാളികളെ സംഘടിപ്പിക്കുന്നതിൽ ഭാസ്കരനും ഭാര്യയും പ്രധാനപങ്കുവഹിച്ചു. പുന്നപ്ര പൊലീസ് ക്യാമ്പ് ആക്രമണത്തിൽ പങ്കെടുത്തു. പി.ഇ 7/1122 കേസില്‍ അറസ്റ്റിലായി. 1946 ഒക്ടോബർ മുതൽ 1947 ആഗസ്റ്റ് വരെ തടവിശിക്ഷ അനുഭവിച്ചു. 1964-നുശേഷം സിപിഐയിൽ പ്രവർത്തിച്ചു. 2008-ല്‍ അന്തരിച്ചു.ഭാര്യ: വിശാലാക്ഷി. മക്കള്‍: വാസുദേവന്‍, സിദ്ധാര്‍ത്ഥന്‍, രാധാമണി, അശോകന്‍, ലത.