തോമ ഇറാനി

ആലപ്പുഴ  തെക്ക് സനാതനപുരം പല്ലിക്കക്കുത്തയ്യില്‍ വീട്ടില്‍ 1923-ല്‍ ജനനം. ചെറുപ്പകാലം മുതൽ കയർ തൊഴിലാളിയായിരുന്നു. സ്വാതന്ത്ര്യസമരത്തിൽ പങ്കാളിയായി. 1938-ൽ ഒരുമാസം ആലപ്പുഴ ലോക്കപ്പിലും ഒരുമാസം തിരുവനന്തപുരം സെൻട്രൽ ജയിലിലും തടവുകാരനായി. ക്വിറ്റ് ഇന്ത്യാ സമരത്തിൽ പങ്കെടുത്തതിനെത്തുടർന്ന് ഒരുവർഷം വീണ്ടും സെൻട്രൽ ജയിലിൽ തടവുകാരനായി. പുന്നപ്ര പൊലീസ് സ്റ്റേഷൻ ആക്രമണ സമരത്തിൽ പങ്കെടുത്തു. പി.ഇ–7/1122 നമ്പര്‍ കേസില്‍ അറസ്റ്റിലായി. ആറുമാസക്കാലം ആലപ്പുഴ സബ് ജയിലിൽ വിചാരണ തടവുകാരനായി. പൊലീസിന്റെ ക്രൂരപീഡനങ്ങൾക്കു വിധേയനായി. സ്വാതന്ത്ര്യസമരത്തിന്റെ ഭാഗമായി അഞ്ചുവർഷം തടവിലായിരുന്നു.