ടി.എ. ജനാർദ്ദനൻ

ആലപ്പുഴ തെക്ക് കുതിരപ്പന്തി വാർഡ് തൈപ്പറമ്പിൽ വീട്ടിൽ അയ്യന്റെ മകനായി 1919-ൽ ജനനം. പ്രാഥമികവിദ്യാഭ്യാസം നേടി. കയർ ഫാക്ടറി തൊഴിലാളി. ട്രേഡ് യൂണിയൻ പ്രവർത്തകനായിരുന്നു. 1938-ലെ പൊതുപണിമുടക്കിൽ പങ്കെടുത്തു. 48/22 നമ്പർ കേസിൽ 29-ാം പ്രതിയായി. പുന്നപ്ര പൊലീസ് ക്യാമ്പ് ആക്രമണത്തിൽ പങ്കെടുത്തതിനെത്തുടർന്ന് 2/1122 നമ്പർ കേസിൽ അറസ്റ്റിലായി. വിചാരണ തടവുകാരനായി മൂന്നരവർഷം ആലപ്പുഴ സബ് ജയിലിൽ തടവിലായി. ശിക്ഷാകാലയളവിൽ ക്രൂരമായ മർദ്ദനങ്ങൾ അനുഭവിക്കേണ്ടതായി വന്നു. ആരോഗ്യം നശിച്ച് ശയ്യാവലംബനായ ജനാർദ്ദനൻ 1954-ലാണ് ജയിൽ മോചിതനായത്.