കിട്ടന്‍ നാണു

ആലപ്പുഴ തെക്ക് കുതിരപ്പന്തി വാർഡ് ചിറമുരിക്കല്‍ വീട്ടില്‍ നാണുവിന്റെ മകനായി 1915-ൽ ജനനം. കമ്മ്യൂണിസ്റ്റ് പാര്‍ട്ടി അംഗമായിരുന്നു. പുന്നപ്ര പൊലീസ് ക്യാമ്പ് ആക്രമണത്തിൽ പങ്കെടുത്തു. ഇടതുകാലിന്റെ മുട്ടിനുമുകളിലും മൂക്കിനുമുകളിലും നെറ്റിയിലും മുറിവിന്റെ പാടുകൾ ഉണ്ടായിരുന്നു. പി.ഇ 7/1122 നമ്പർ കേസിൽ അറസ്റ്റിലായി. 1946 മുതൽ 1949 വരെ ആലപ്പുഴ ലോക്കപ്പിലും സബ് ജയിലിലും തടവുകാരനായി. കയർ ഫാക്ടറിയിലുണ്ടായിരുന്ന സ്ഥിരം ജോലി നഷ്ടപ്പെടുകയും ശിക്ഷാകാലയളവിൽ ഏൽക്കേണ്ടിവന്ന ക്രൂരമർദ്ദനംമൂലം ആരോഗ്യംക്ഷയിച്ച് ക്ഷയരോഗിയായാണ് ജയിൽമോചിതനായത്. മക്കള്‍: ഗോപിനാഥന്‍, ഓമന പ്രിയന്‍, പൊന്നമ്മ.