കുഞ്ചന്‍ കൃഷ്ണന്‍
ആലപ്പുഴ തെക്ക് കളര്‍കോട് തത്തംതറ വീട്ടില്‍ ജനിച്ചു. പ്രാഥമിക വിദ്യാഭ്യാസം. സജീവ ട്രേഡ് യൂണിയൻ പ്രവർത്തകനായിരുന്നു. 1938-ലെ പൊതുപണിമുടക്കിൽ പങ്കെടുത്ത് 7/116 നമ്പർ കേസിൽ അറസ്റ്റിലായി. ഒരുമാസക്കാലം ആലപ്പുഴ സബ് ജയിലിലും ഒൻപതുമാസക്കാലം സെൻട്രൽ ജയിലിലും തടവുശിക്ഷ അനുഭവിച്ചു. പുന്നപ്ര പൊലീസ് ക്യാമ്പ് ആക്രമണത്തിൽ പങ്കെടുത്തു. വലതുകവിളിലും ഇടതുകൈയുടെ തോളിനടുത്തും പരിക്കേറ്റ പാടുകൾ ഉണ്ടായിരുന്നു. 1964-നുശേഷം സിപിഐ(എം)ൽ പ്രവർത്തിക്കുകയും എസ്എന്‍ഡിപി പ്രവർത്തകനുമായിരുന്നു.
