വി.കെ. ഗംഗാധരന്‍

പുന്നപ്ര നോർത്ത് വട്ടത്തറ വീട്ടില്‍ കുഞ്ചന്റെയും കുഞ്ചിയുടെയും മകനായി 1920-ൽ ജനിച്ചു. കയര്‍ തൊഴിലാളിയായിരുന്നു. എസ്എന്‍ഡിപിയോടൊപ്പം സിപിഐയിലും പ്രവര്‍ത്തിച്ചു. 26-ാം വയസില്‍ പുന്നപ്ര-വയലാര്‍ സമരത്തില്‍ പങ്കെടുത്തു. തോക്ക് മോഷ്ടിച്ചു എന്നാരോപിച്ച് അറസ്റ്റു ചെയ്തു. എസ്.സി.4/1123 നമ്പർ കേസിൽ രണ്ടുവർഷക്കാലം ആലപ്പുഴ സബ് ജയിലിൽ വിചാരണ തടവുകാരനായി. ക്രൂരമായ മർദ്ദനത്തിനിരയായി. ഒരുവർഷം സെൻട്രൽ ജയിലിലായി. പൊലീസിന്റെ ക്രൂരമർദ്ദനത്താൽ ജോലി ചെയ്യാൻ കഴിയാത്ത അവശതയിലാണു ജയിൽ മോചിതനായത്. 1964-നുശേഷം സിപിഐ(എം)ൽ പ്രവർത്തിച്ചു.