എം.കെ. സുകുമാരന്‍
പുന്നപ്ര വടക്ക് മാമ്മനാട് വീട്ടിൽ കൃഷ്ണന്റെയും ലതയുടെയും മകനായി 1921-ല്‍ ജനനം. പ്രാഥമിക വിദ്യാഭ്യാസം. കച്ചവടമായിരുന്നു തൊഴിൽ കയർ പണിക്കും പോകുമായിരുന്നു. പുന്നപ്ര പൊലീസ് ക്യാമ്പ് ആക്രമണത്തിൽ പങ്കെടുത്തു. നെറ്റിയിൽ രണ്ട് കണ്ണുകൾക്കിടയിലും ഇടതുകാലിലും മുറിവേറ്റു. കേസിനെ തുടർന്ന് ഒളിവിൽപോയി. വീട്ടിൽ രഹസ്യമായി വന്നപ്പോൾ പിടികൂടി. മാതാപിതാക്കളുടെ കൺമുന്നിലിട്ടു മർദ്ദിച്ചവശനാക്കി. 9/123 നമ്പർ കേസിൽ ആലപ്പുഴ സ്പെഷ്യൽ കോടതി രണ്ടരവർഷത്തേക്കു ശിക്ഷിച്ചു. ആലപ്പു സബ് ജയിലും തിരുവനന്തപുരം സെൻട്രൽ ജയിലിലും തടവുകാരനായി. 1947-ൽ സെഷൻസ് കോടതി വെറുതേവിട്ടു.
