തൊമ്മന്‍ ഔസേപ്പ്
പുന്നപ്ര വടക്ക് പറവൂർ പുത്തന്‍ പറമ്പില്‍ 1912-ൽ ജനനം. കയർ തൊഴിലാളിയും സജീവ യൂണിയൻ പ്രവർത്തകനുമായിരുന്നു. 1938-ലെ സമരത്തിൽ കളർകോടെ റോഡിൽ മാർഗതടസ്സം സൃഷ്ടിക്കാനുള്ള ഏറ്റുമുട്ടലിൽ പങ്കാളിയായി. ഒളിവിൽ പോയെങ്കിലും അറസ്റ്റിലായി. എസ്.സി.17/116 നമ്പർ കേസിൽ ഒൻപതുമാസം കഠിനതടവിനു ശിക്ഷിച്ചു. 1941 ഒക്ടോബറിലാണു ജയിൽമോചിതനായത്. പുന്നപ്ര പൊലീസ് ക്യാമ്പ് ആക്രമണത്തിൽ പങ്കെടുത്തു. വലതുകാലിന്റെ മുകളിലും ഇടതു കൈയുടെ താഴത്തും വെടിയേറ്റു. വീണ്ടും ഒളിവിൽ പോയി.
